უფასო იურიდიული დახმარება ქალთა მიმართ ძალადობისა და გენდერული ნიშნით დისკრიმინაციის შემთხვევებში

არავინ იმსახურებს ძალადობას!

ორგანიზაცია „პარტნიორობა ადამიანის უფლებებისთვის“, ძალადობაგამოვლილ (მსხვერპლ) ქალებს, მათ შორის, შეზღუდული შესაძლებლობების მქონე ქალებს, სამართლებრივ დახმარებას გაუწევს.

კონსულტაციები შეეხება ნებისმიერი სახის ძალადობასთან დაკავშირებულ საკითხებს, მათ შორის, ფიზიკურ, ფსიქოლოგიურ, სექსუალურ, ეკონომიკურ ძალადობასა და იძულებას.
სამართლებრივი კონსულტაციების საჭიროების შემთხვევაში, ძალადობაგამოვლილ ქალებს, მათი ოჯახის წევრებსა და ახლობლებს შეუძლიათ მიმართონ ორგანიზაციის იურისტებს, დარეკონ ტელეფონის ნომერზე – 2 33 13 56, ან გამოაგზავნონ წერილი ელექტრონული ფოსტის საშუალებით შემდეგ მისამართზე: phr.georgia@gmail.com ან კონსულტაციისთვის მობრძანდნენ ალექსიძის 1, კორპ. #2; ბ.26.

თუკი გამოგივლია ძალადობა ან, მიგაჩნია, რომ შენ გვერდით მყოფი ქალი, მათ შორის, შეზღუდული შესაძლებლობის მქონე ქალი ძალადობის ან გენდერული ნიშნით დისკრიმინაციის მსხვერპლია, – მოგვმართეთ!

ჩვენი იურისტები თქვენ დახმარებას შემდეგ საკითხებში შეეცდებიან:

შემაკავებელი ან დამცავი ორდერების გაცემის და დაზარალებულის სტატუსის მინიჭების მოთხოვნასთან დაკავშირებით;

თავშესაფარში გადასვლის მოთხოვნასთან დაკავშირებით;

ძალადობის მსხვერპლი ქალებისათვის განქორწინების, ალიმენტისა და ბავშვის ადგილსამყოფელის განსაზღვრასთან დაკავშირებით;

ძალადობასთან დაკავშირებული ზიანის ანაზღაურების მოთხოვნასთან დაკავშირებით;

ძალადობასთან დაკავშირებული ჯანდაცვის მომსახურების მიღებასთან დაკავშირებით;

 

ძალადობაგამოვლილი ქალის სხვა სამართლებრივ საჭიროებებთან დაკავშირებით;

არავინ იმსახურებს ძალადობას!

იურიდიული კონსულტაციებით დახმარება შესაძლებელი გახდა ამერიკელი ხალხის გულუხვი დახმარების წყალობით, რომელიც აშშ-ს საერთაშორისო განვითარების სააგენტოს (USAID) მეშვეობით იქნა გაწეული. კონსულტაციების შინაარსზე პასუხისმგებელია ორგანიზაცია “პარტნიორობა ადამიანის უფლებებისთვის (PHR)”. ის შესაძლოა, არ ასახავდეს USAID-ის, აშშ-ის მთავრობის ან აღმოსავლეთ – დასავლეთის მართვის ინსტიტუტის შეხედულებებს.